UG/Safon Uwch Astudiaethau Ffilm
Pam mae rhai cwestiynau’n rhestru’r elfennau allweddol neu’r meysydd arbenigol ac eraill ddim?
Mae’r meysydd a restrir yn feysydd allweddol y dylid canolbwyntio arnynt wrth adolygu a pharatoi’n derfynol ar gyfer arholiadau Haf 2022. Y meysydd a restrir yw’r meysydd i ganolbwyntio arnynt ar gyfer y cwestiwn hwnnw.
Lluniwyd ein manyleb UG/Safon Uwch Astudiaethau Ffilm i gyflwyno dysgwyr i amrywiaeth eang o ffilmiau er mwyn ehangu ar eu gwybodaeth a'u dealltwriaeth o ffilm a'r amrywiaeth o ymatebion y gall ffilmiau eu cynhyrchu.
Mae'r fanyleb hon yn cynnig cyfleoedd i astudio ffilmiau Americanaidd prif ffrwd o'r gorffennol a'r presennol yn ogystal ag amrywiaeth o ffilmiau diweddar a chyfoes o Brydain, ffilmiau Americanaidd annibynnol a byd-eang, rhai Saesneg eu hiaith a rhai nad ydynt yn y Saesneg.
Mae astudio ffilmiau di-sain a mudiadau arwyddocaol y byd ffilmiau yn ymestyn yr amrywiaeth hanesyddol o ffilmiau a gynrychiolir yn y ffilmiau hynny y cyfeirir atynt uchod fel bod dysgwyr yn cael synnwyr o ddatblygiad ffilm o'i blynyddoedd cynnar i'w dyfodol digidol sy'n dal i ddatblygu. Mae astudio ffilmiau dogfen, arbrofol a ffilmiau byr yn ychwanegu at ehangder y profiad dysgu.
Mae gwaith cynhyrchu'n rhan bwysig o'r fanyleb hon ac mae'n rhan annatod o astudiaeth dysgwyr o ffilm. Pwrpas astudio amrywiaeth o ffilmiau o nifer o wahanol gyd-destunau yw rhoi cyfle i ddysgwyr gymhwyso’u gwybodaeth a'u dealltwriaeth o sut mae ffilmiau'n cael eu llunio at yr hyn maen nhw'n ei wneud eu hunain wrth wneud ffilmiau a sgriptio.
Bwriad hyn yw galluogi dysgwyr i greu gwaith ffilm a sgript ffilm o ansawdd uchel yn ogystal â darparu safbwynt gwneuthurwr ffilmiau gwybodus ar ei astudiaeth ei hun o ffilm.
Map rhyngweithiol i gefnogi canolfannau sy'n dymuno rhannu profiadau a syniadau ar-lein ac wyneb yn wyneb.
Darganfyddwch fwy am y Gwobrau Delwedd Symudol, a ddyluniwyd mewn partneriaeth â Sefydliad Ffilm Prydain.
Ceir ystod eang o adnoddau addysgol digidol rhad ac am ddim.
Mae gwaith ymgeiswyr mewn unedau/cydrannau a asesir neu gymedrolir yn fewnol yn cael ei e-gyflwyno i CBAC ar gyfer y pwnc hwn.
Ffiniau gradd yw'r nifer lleiaf o farciau sydd eu hangen i gyflawni pob gradd.
Mae'r adnoddau rhad ac am ddim yma yn cefnogi addysgu a dysgu'r pynciau hynny a gynigir gan CBAC. Bydd angen i athrawon bennu sut i ddefnyddio'r adnoddau yn yr ystafell ddosbarth er mwyn cael y gorau ohonynt.
Adnoddau Addysgol Digidol CBAC
029 2240 4301
