Adnoddau addasadwy RHAD AC AM DDIM i gefnogi ein cymwysterau Gwneud-i-Gymru

Isod, rydym yn cynnig amlinelliad o'r amserlen cyhoeddi ar gyfer ein cyfres newydd

Bydd ein hadnoddau newydd yn cynnwys amrywiaeth o nodweddion newydd cyffrous, gan gynnwys:

• Gellir eu haddasu i sicrhau profiad ystyrlon a her addas i ddysgwyr: Mae ein cynnwys Dysgu Cyfunol Gwneud-i-Gymru wedi'i gynllunio gan ystyried y cysyniad Cynefin† . Gellir eu golygu'n rhwydd a'u lleoleiddio i gydweddu â chyd-destun dysgu unigryw pob canolfan, gan sicrhau eu bod yn berthnasol ac yn ystyrlon i ddysgwyr.
• Gellir eu cadw: Bydd gan addysgwyr bellach fynediad i dudalen adnoddau ar-lein bersonol lle gallant gael gafael ar adnoddau y maent wedi'u hoffi, eu golygu neu eu cadw. Mae'r dangosfwrdd hwn sy'n hawdd ei ddefnyddio yn golygu y gellir defnyddio dull sy'n canolbwyntio ar y dysgwr, gan deilwra'r addysgu i bob dysgwr a chreu amgylchedd dynamig a difyr ar gyfer dysgu wedi'i bersonoli.
• Gellir eu rhannu'n rhwydd: Bydd gan bob adnodd wedi'i deilwra URL unigryw yn hwyluso'r broses o rannu a dysgu o gartref. Drwy gynnig y swyddogaethau unigryw a newydd hyn, bydd ein hadnoddau Gwneud-i-Gymru yn cynnig y cyfle i athrawon a darlithwyr greu profiadau dysgu personol, difyr a chynhwysol, gan sicrhau bod y lefel briodol o gymorth yn cael ei chynnig.

*Y man lle rydyn ni’n teimlo ein bod yn perthyn, lle mae'r bobl a'r tirlun o’n cwmpas yn gyfarwydd, ac mae'r hyn rydym yn ei weld a'i glywed yn ein cofleidio wrth i ni eu hadnabod. Llywodraeth Cymru 2020.

Yn dilyn dadansoddiad cynhwysfawr, mae ein Tîm Adnoddau Digidol yn datblygu adnoddau i gefnogi'r testunau newydd sy'n cael eu cyflwyno o fewn ein cymwysterau Gwneud-i-Gymru newydd.  

Bydd yr adnoddau hyn yn ychwanegu at ein cyfres eang o adnoddau digidol sy’n bodoli’n barod.  

Bydd pob adnodd yn cael ei  ddatblygu gan ein Timau Pwnc, ar y cyd ag arbenigwyr cwricwlwm o bob rhan o Gymru a thu hwnt. Roedd creu pecynnau adnoddau Dysgu Cyfunol a Threfnwyr Gwybodaeth yn seiliedig ar arolwg cynhwysfawr, a gyhoeddwyd i ganolfannau ar draws Cymru yn 2023.  Yn seiliedig ar ganlyniadau'r arolwg hwn, mae ein tîm yn creu pecyn o adnoddau addasadwy sy'n adlewyrchu ethos y Cwricwlwm i Gymru.   

Bydd y pecyn adnoddau yn cael ei gyhoeddi o hydref 2024 ymlaen. Gweler y rhestr o adnoddau fydd ar gael ar gyfer pob pwnc isod.