Bwriadwn ddiwygio ein cymwysterau Llwybrau Cymraeg Gwaith. Gwnawn hyn er mwyn sicrhau eu bod yn parhau i fod yn addas i'r pwrpas, yn gyfoes ac yn adlewyrchu'r arfer da presennol o ran dylunio cymwysterau ac asesiadau.
Dysgwyr ôl-16 yw cynulleidfa ein cymwysterau Cymraeg Gwaith. Byddan nhw'n dilyn dewis eang o gyrsiau mewn colegau addysg bellach, ysgolion neu'r gweithle ac angen datblygu sgiliau cyfathrebu Cymraeg yn y gweithle. Mae ennill y cymhwyster Cymraeg Gwaith yn rhoi cydnabyddiaeth ac ardystiad ffurfiol o ddefnydd unigolyn o'r Gymraeg mewn cyd-destun galwedigaethol.
Gweithdai cwmpasu
Nid proses fydd yn digwydd ar wahân yw diwygio'r cymwysterau newydd hyn. Hoffem glywed gan unrhyw un sydd â diddordeb yn niwygio'r Cymwysterau Llwybrau Cymraeg Gwaith. Mae hyn yn cynnwys athrawon, dysgwyr, rhieni, gofalwyr, darparwyr dysg, asiantaethau, a chyflogwyr.
Rydym yn cynnal gweithdy cwmpasu i gasglu eich safbwyntiau ar y cymhwyster ei hun a hefyd ar y cynigion ar gyfer diwygio. Sesiwn awr fydd y gweithdy ond caniatawyd amser ychwanegol er mwyn rhoi cyfle i'r drafodaeth ddatblygu. Caiff ei gynnal ar 6 Tachwedd, 2024.
Os hoffech ddod i'r gweithdy uchod, anfonwch e-bost at: Datblygu Cymwysterau (WJEC CBAC) datblygucymwysterau@cbac.co.uk