Datblygu cyfres o gymwysterau Cynaliadwyedd

Rydym yn falch o gyhoeddi y byddwn yn archwilio'r galw posibl am gyfres o Gymwysterau Cynaliadwyedd i fodloni anghenion dysgwyr ar draws amrywiaeth eang o leoliadau. Mae hyn mewn ymateb i Ddeddf Llesiant Cenedlaethau'r Dyfodol Cymru, Pedwar Diben y Cwricwlwm i Gymru, a Nodau Byd-eang y Cenhedloedd Unedig.

Y Diweddariad Diweddaraf: CBAC yn cyhoeddi cymhwyster cynaliadwyedd ar gyfer swyddi 'sero net' y dyfodol

Ein gweledigaeth ar gyfer y gwaith hwn yw byd lle:

mae dysgwyr yn gadael yr ysgol yn hyderus o'u lle o ran cymdeithas a phlaned sy'n newid yn gyflym gyda'r wybodaeth, y sgiliau a'r meddylfryd y bydd eu hangen arnynt i'w lywio, yn barod i gyfrannu'n weithredol ati fel dinasyddion a cheidwaid dyfodol cynaliadwy
gall addysgwyr 'ddysgu'r dyfodol' yn hyderus a chychwyn ar eu teithiau dysgu eu hunain tuag at gyflawniad proffesiynol (a phersonol)
mae cyflogwyr yn cymryd rhan weithredol yn y daith ddysgu hon fel partneriaid, datryswyr problemau a galluogwyr sgiliau ar gyfer y dyfodol.

Ein cenhadaeth yw arfogi cenedlaethau o ddysgwyr ac arweinwyr heddiw a'r dyfodol i ddatblygu'r sgiliau, yr wybodaeth a'r meddylfryd y bydd eu hangen arnynt i ffynnu – a chyfrannu – mewn byd sy'n newid yn sgil yr hinsawdd.

Cymerwch Ran - Lefel 2 Cynaliadwyedd yn Ymarferol: Ysgogwyr Newid y Dyfodol

Rydym ar ddechrau ein taith o ddatblygu'r cymhwyster Lefel 2 Cynaliadwyedd yn Ymarferol: Ysgogwyr Newid y Dyfodol.

Bwriedir y cymhwyster seiliedig ar brojectau hwn i adeiladu ar wybodaeth y dysgwr am gynaliadwyedd ac i'w grymuso i weithredu fel 'hyrwyddwyr cynaliadwyedd' yn eu lleoliadau.

Drwy gwblhau'r cymhwyster hwn, bydd dysgwyr yn gwneud y canlynol:

datblygu eu dealltwriaeth o gynaliadwyedd

deall sut i gynllunio i weithredu, drwy ddysgu am feysydd fel rheoli projectau, rheoli newid a dulliau cynllunio

gweithredu i fynd i'r afael â chynaliadwyedd yn eu lleoliad.

Mae asesiad y cymhwyster yn seiliedig ar brojectau, gan ganolbwyntio ar gymhwyso egwyddorion ac arferion cynaliadwyedd. Hefyd, bydd gofyn i ddysgwyr adfyfyrio ar y canlyniadau ac effaith eu project drwyddi draw.

Ymunwch â'n Grŵp Cynghori ar Ddatblygu Cymwysterau

Rydym yn chwilio am unigolion i ymuno â'n Grŵp Cynghori ar Ddatblygu Cymwysterau i'n cynghori, ein hysbysu a'n herio wrth i ni symud drwy'r broses o ddatblygu cymwysterau.

{"accordionHeading":"","accordionItems":[{"accordionTitle":"Am bwy ydyn ni'n chwilio?","accordionTitleSecondary":null,"accordionImage":"","accordionContent":"<ul>\n<li>ymarferwyr ac uwch arweinwyr mewn ysgolion/colegau chweched dosbarth ac addysg bellach</li>\n<li>ymarferwyr a/neu gynrychiolwyr addysg uwch</li>\n<li>cyflogwyr a/neu gynrychiolwyr o'r diwydiant</li>\n<li>cyrff eraill sydd â diddordeb yn y cymhwyster</li>\n<li>myfyrwyr TAR.</li>\n</ul>"},{"accordionTitle":"Beth fydd gofyn i chi ei wneud?","accordionTitleSecondary":null,"accordionImage":"","accordionContent":"Mae ein Grŵp Cynghori ar Ddatblygu Cymwysterau yn gwneud y canlynol:\n<ul>\n<li>profi ein gweledigaeth, drwy fod yn ffrind beirniadol ond cefnogol i sicrhau y bydd y cymhwyster yn bodloni disgwyliadau rhanddeiliaid</li>\n<li>cynghori ar agweddau penodol ar gynnwys a dulliau asesu cymhwyster ar gamau allweddol drwy gydol y broses ddatblygu</li>\n<li>cyfrannu gyda meddylfryd sy'n cynnig datrysiadau.</li>\n</ul>"},{"accordionTitle":"Sut i wneud cais","accordionTitleSecondary":null,"accordionImage":"","accordionContent":"Cyflwynwch gais i ymuno â'n Grŵp Cynghori ar Ddatblygu Cymwysterau drwy anfon e-bost at <a rel=\"noopener\" href=\"mailto:Rachel.dodge@wjec.co.uk\" target=\"_blank\">Rachel.dodge@cbac.co.uk</a>. Dywedwch wrthym (mewn llai na 300 o eiriau) rywfaint am eich sgiliau a'ch profiad a pham mae gennych chi ddiddordeb yn y cyfle hwn. Os ydych chi'n addysgu yng Nghymru ar hyn o bryd byddai'n ddefnyddiol pe gallech chi ddarparu enw a/neu leoliad eich canolfan.\nY dyddiad cau ar gyfer cyflwyno ceisiadau yw 18 Gorffennaf.\nAm ragor o wybodaeth, cysylltwch â <a rel=\"noopener\" href=\"mailto:Rachel.dodge@wjec.co.uk\" target=\"_blank\">Rachel.dodge@cbac.co.uk</a>."}]}

Rydym hefyd yn chwilio am awduron. Os oes gennych ddiddordeb, gallwch wneud cais yma.