Cwestiynau Cyffredin

Dylid gwneud pob cais ar-lein bellach drwy system y Penodedigion.

Nid ydym yn darparu ffurflenni cais papur mwyach.

Os oes angen cymorth ag unrhyw agwedd ar y broses gychwynnol o wneud cais, gofynnwch am gymorth neu ffoniwch 02920 265457.

I greu cyfrif newydd, cliciwch ar y botwm ‘Gwneud cais yma' ar dudalen fewngofnodi'r system Penodedigion.

Bydd angen i chi fewnbynnu eich enw a'ch cyfeiriad e-bost, bydd y system yn anfon cyfrinair dros dro i chi dros e-bost a bydd angen i chi newid hwnnw wrth fewngofnodi am y tro cyntaf.

Gallwch. Gallwch olrhain cynnydd eich cais trwy'r rhan 'Maes y Pwnc' ar wefan y Penodedigion, o dan 'statws cymeradwyo'. Os yw statws eich cais ar-lein yn newid ar unrhyw adeg, byddwch yn derbyn e-bost yn eich cynghori i wirio'r safle.  

Os ydych chi wedi gweithio fel Arholwr neu Gymedrolwr gyda CBAC o'r blaen, ni fydd angen i chi wneud cais arall onid ydych chi'n gwneud cais am rôl Uwch Arholwr neu Gymedrolwr. 

O dro i dro, bydd y pynciau a'r lefelau ar y safle yn newid yn ôl ein gofynion. Bydd manylion y swyddi gwag sydd ar gael yn ymddangos ar y wefan gyhoeddus. 

Nid oes angen manylion mewngofnodi ar ganolwr i fynd ar yr adran Geirda ar y safle hwn. Yn syml, cliciwch ar y cyswllt yn yr e-bost a bydd yn mynd â chi'n uniongyrchol i'r dudalen Geirda ar y safle. (D.S. Y dudalen geirda yw'r unig ran o'r safle y gall canolwr ei gweld). Os byddwch yn mynd yn syth i dudalen fewngofnodi'r wefan, copïwch a gludwch y cyswllt i'ch porwr rhyngrwyd. Os yw'r cyswllt a anfonwyd atoch wedi dod i ben, ebostiwch cymorth.wrth.ymgeisio@cbac.co.uk neu ffoniwch 029 2026 5457 a byddwch yn cael cyswllt mwy diweddar.

Gofynnwch am neges yn atgoffa o’ch enw defnyddiwr yma.

Byddwch yn cael eich annog i nodi eich cyfeiriad e-bost, ac anfonir e-bost i’ch atgoffa o’ch enw defnyddiwr at y cyfeiriad e-bost sy'n gysylltiedig â'ch cyfrif. Os oes angen rhagor o gefnogaeth arnoch, llenwch y ffurflen hon.

Ceisiwch fewngofnodi i'r safle. Ar y sgrin cyfrinair bydd cyswllt er mwyn gwneud cais am nodyn atgoffa. Os oes angen rhagor o gefnogaeth arnoch, llenwch y ffurflen hon.

Ceisiwch gopïo a gludo'r cysylltau'n uniongyrchol i far cyfeiriad eich porwr.

Gofynnwch am gymorth yma, bydd CBAC yn adolygu eich cais, yn datgloi eich cyfrif os yw'n briodol gwneud hynny ac yn anfon cadarnhad i'r cyfeiriad e-bost a ddarparwyd pan fydd y broses yn llwyddiannus.

Gallwch chi ddiweddaru eich manylion yn ôl y gofyn drwy ddefnyddio'r deilsen 'fy manylion' ar dudalen gartref safle'r Penodedigion ar unrhyw adeg.

O dro i dro, gall y pynciau a'r lefelau ar safle'r Penodedigion newid yn ôl gofynion ein swyddi gwag. Bydd manylion swyddi gwag sydd ar gael yn weithredol yn ymddangos ar wefan CBAC. Os oes angen cefnogaeth bellach arnoch chi, llenwch y ffurflen hon.

Does dim ond angen i ganolwyr glicio ar y cyswllt yn yr e-bost a fydd yn llwytho'r meysydd geirda yn awtomatig.

Os nad yw'r cyswllt yn gweithio, ceisiwch gopïo'r cyfeiriad a'i ludo ym mar URL eich porwr, neu rhowch gynnig ar ddefnyddio porwr gwahanol.

Os oes angen rhagor o gefnogaeth arnoch, llenwch y ffurflen hon.

Os hoffech dynnu eich manylion oddi ar y safle am unrhyw reswm, llenwch y ffurflen hon.

Gellir olrhain cynnydd eich cais drwy fewngofnodi i'r system Penodedigion a'r adran Fy Nghais > Maes Pwnc. Os bydd eich statws yn newid, byddwch yn derbyn e-bost awtomatig yn eich cynghori i wirio'r safle. Gallai gymryd rhai misoedd i asesu eich cais, yn dibynnu ar ble rydym yn y gylchred asesu. Fel arfer mae gwahoddiadau ar gyfer cyfres yr haf yn dechrau cael eu hanfon o fis Hydref ymlaen.

Mae'r system penodedigion yn gofyn am ddilysu aml-ffactor i gynorthwyo â'r gydymffurfiaeth ddiogelwch briodol. Gallwch chi naill ai ddefnyddio’r ap Microsoft Authenticator neu dderbyn cod dilysu dros neges destun/galwad ffôn.

Os ydych chi'n defnyddio’r ap Microsoft Authenticator, nodwch y bydd angen i chi gael dwy ddyfais ar wahân i gwblhau'r broses – cyfrifiadur/gliniadur gyda'r safle Penodedigion ar agor mewn porwr yn ogystal â'ch ffôn symudol/tabled yn cynnwys yr ap wrth law. Ni fyddwch chi'n gallu creu, sganio ac yna mewnbynnu'r cod QR ar yr un ddyfais.

Os oes angen rhagor o gefnogaeth arnoch, llenwch y ffurflen hon.

Cyfeiriwch at ein canllawiau ar fudo eich cyfrif. Os oes angen rhagor o gefnogaeth arnoch, llenwch y ffurflen hon.

Gwiriwch eich ffolder sothach am e-byst gan CBAC rhag ofn bod yr e-bost wedi ei anfon yno. Os nad ydych chi wedi derbyn eich e-bost o fewn awr, llenwch y ffurflen hon.

Darllenwch drwy'r canllaw atodedig am gyfarwyddiadau o ran sut i fewngofnodi.

Fel arfer rydym yn dyrannu tua 350 sgript ar gyfer TGAU. Ar gyfer TAG, rydym yn dyrannu tua 250. 

Fel arfer, cynhelir y gwaith marcio dros gyfnod o 3 wythnos. Mae terfynau amser penodol y mae'n rhaid eu bodloni yn ystod y broses asesu, a byddwch yn cael eich hysbysu amdanynt. 

Mae'n ofynnol i chi fynychu'r gynhadledd hyfforddi wyneb yn wyneb i Arholwyr / Cymedrolwyr, a gynhelir ar benwythnos fel arfer lle bo hynny'n bosibl. Os bydd angen i chi fod allan o'r ysgol neu'r coleg, bydd CBAC yn talu am gost y gwasanaeth dirprwyol. Bydd angen i chi wneud gwaith marcio yn ystod eich amser eich hun felly mae'n bwysig eich bod yn rheoli eich amser yn effeithiol yn ystod y cyfnod asesu. 

Anfonir sgriptiau atoch yn uniongyrchol o ysgolion neu golegau gan ddefnyddio'r post dosbarth cyntaf a Parcelforce ar ddiwrnod yr arholiad. I ddychwelyd sgriptiau wedi'u marcio, anfonwch nhw i'n swyddfa yn Nhrefforest, neu ewch â nhw i Swyddfa Bost sy'n derbyn anfoniadau Parcelforce i'w dosbarthu gan ddefnyddio'r labeli tracio dosbarthiad yn eich pecyn deunyddiau. Fel arall, gallwch drefnu bod y sgriptiau wedi'u marcio'n cael eu casglu o'ch ysgol/coleg neu o'ch cyfeiriad o ddewis. Sicrhewch eich bod yn defnyddio'r label Parcelforce priodol o'ch pecyn deunyddiau ar y parsel. 

Lle bo'n berthnasol, ar gyfer Arholwyr neu Gymedrolwyr sydd hefyd yn gweithio fel athrawon mewn ysgolion/colegau, bydd y ganolfan yn derbyn taliad am ryddhau athrawon er mwyn iddynt allu mynychu cyfarfodydd. 

Gofynnir i arholwyr wirio bod yr holl sgriptiau a ddyrannwyd i chi ar EMI wedi cyrraedd yn ddiogel. Os oes unrhyw sgriptiau ar goll mae'n rhaid rhoi gwybod cyn gynted â phosibl fel y gall ymchwiliad ddechrau. Bydd hefyd yn ofynnol i chi roi sylwadau priodol a chyfanswm y marciau ar dudalen flaen pob sgript a hefyd i drosglwyddo cyfanswm y marciau i system fewnbynnu marciau electronig (EMI). 

Gallwch, mae modd sôn am hyn yn y datganiad ategol ar gyfer eich cais neu phan fyddwn yn cysylltu â chi dros y ffôn os hoffech farcio unedau penodol yn unig. 

Mae'r holl fanylion ar gael ar ein tudalen Hyfforddiant a Chefnogaeth. 

Na. I fod yn gymwys, bydd angen i chi fod yn athro cymwysedig llawn, gydag o leiaf dwy flynedd o brofiad addysgu yn y pwnc perthnasol ar y lefel berthnasol ac yn ddelfrydol, wrth gyflwyno manyleb CBAC. Mae'r meini prawf wedi'u rhestru ar y dudalen Ydw i'n Gymwys? a hefyd yn y disgrifiad swydd. 

Rydym yn gofyn i rai sy'n Arholwyr / Cymedrolwyr am y tro cyntaf asesu yn yr haf yn unig. Mae'r union gyfnod yn dibynnu ar ddyddiad yr arholiad y byddwch yn ei farcio. Mae rhagor o wybodaeth ar gael ar y dudalen Hyfforddiant a Chefnogaeth.

Cynigir swyddi o'r Nadolig tan y cynhelir y gynhadledd hyfforddiant wyneb yn wyneb yn yr haf. Edrychwch ar dudalen cynnydd y Cais am fwy o fanylion. 

Mae gwybodaeth wedi'i chynnwys yn y contract a'r gynhadledd hyfforddi wyneb yn wyneb. 

Nodir y terfynau amser yn y contract ac yn y gynhadledd. Os ydych yn teimlo na allwch fodloni'r terfynau amser a nodwyd ar unrhyw adeg, peidiwch ag oedi i gysylltu â'n tîm Penodedigion sy'n fwy na hapus i helpu. 

Os oes gennych unrhyw gwestiynau, anfonwch e-bost atom; cymorth.wrth.ymgeisio@cbac.co.uk neu ffoniwch ni ar 029 2026 5457. Noder, mae'r swyddfa ar agor 9am – 5pm o ddydd Llun i ddydd Gwener. 

Fel arall, cysylltwch â'r Swyddog Pwnc ar gyfer eich cymhwyster. Mae eu manylion ar gael ar dudalen benodol y cymhwyster.