Amlinelliadau o gymwysterau Gwneud-i-Gymru ton 2 ac adroddiad o'r ymgynghoriadau ar gael nawr
Rydym yn falch o fod wedi cyhoeddi ein hamlinelliadau terfynol o'r cymwysterau ar gyfer ein cymwysterau ton 2. Bydd y cymwysterau hyn ar gael i'w haddysgu am y tro cyntaf o fis Medi 2026.
Dywedodd Delyth Jones, Cyfarwyddwr Cynorthwyol, Datblygu Cymwysterau, wrth sôn am y garreg filltir hon: "Mae cyhoeddi amlinelliadau o'r cymwysterau yn gam pwysig yn natblygiad y cymwysterau newydd hyn gan fod y rhain yn sylfaen ar gyfer datblygu ein manylebau. Rydw i a'n Tîm Datblygu Cymwysterau yn hynod ddiolchgar i'r mwy na 300 o ymatebwyr a gymerodd yr amser i gynnig adborth adeiladol i'n hymgynghoriadau.
Dros y misoedd nesaf, bydd ein timau'n parhau i weithio gyda'n rhanddeiliaid i gynhyrchu cyfres newydd a chyffrous o gymwysterau a fydd yn helpu i gefnogi uchelgeisiau'r Cwricwlwm i Gymru ac yn cynnig cyfleoedd dysgu newydd a chyffrous i ddysgwyr ledled Cymru."
Yn ogystal â'r amlinelliadau o'r cymwysterau, rydym hefyd wedi cyhoeddi adroddiad o'r ymgynghoriadau sy'n amlinellu'r camau rydym wedi'u cymryd, yn seiliedig ar ganlyniadau'r ymgynghoriadau.
Amlinelliadau o'r cymwysterau
Mae'r adroddiadau terfynol o'r cymwysterau ar gael ar gyfer y pynciau canlynol. Mae'r rhain i'w gweld ar dudalen eich pwnc:
TGAU
- Addysg Gorfforol ac Iechyd
- Astudiaethau Cymdeithasol
- Cyfryngau Digidol a Ffilm
- Dawns
- Dylunio a Thechnoleg
- Iechyd a Gofal Cymdeithasol, a Gofal Plant
- Gwyddoniaeth Gyfannol (Gradd Unigol)
- Y Gwyddorau (Dwyradd)
- Technoleg Ddigidol
Cymhwyster nad yw'n TGAU
Llinell amser o weithgareddau
Bydd ein manylebau drafft yn cael eu cyflwyno i Cymwysterau Cymru yn ystod tymor y gwanwyn i'w hadolygu yn erbyn eu gofynion rheoleiddiol – bydd hon yn broses iterus tan y bydd ein cymwysterau wedi'u cymeradwyo. Byddwn yn cyhoeddi manylebau drafft ar ein gwefan yn ystod tymor yr haf a bydd y fanyleb derfynol wedi'i chymeradwyo yn cael ei chyhoeddi ym mis Medi.
Y newyddion diweddaraf
I gael y newyddion, y cyfleoedd a'r cwestiynau cyffredin diweddaraf ynghylch y TGAU newydd a chymwysterau cysylltiedig, ewch i'n hardal 'Gwnaed i Gymru. Yn barod i'r byd.' ar y wefan. Mae'r ardal hon yn gartref i gyfoeth o ddeunydd, gan gynnwys cyflwyniad i'n Tîm Datblygu Cymwysterau sy'n arwain y gwaith o greu'r cymwysterau newydd hyn.
