Tystysgrif Her Sgiliau Bagloriaeth Cymru Uwch
Am help gydag e-gyflwyno cliciwch yma.
Dyfarnwyd y Dystysgrif Her Sgiliau Uwch am y tro olaf yn haf 2024. Bydd cyfle ailsefyll yn unig yn haf 2025 i ymgeiswyr sydd wedi cyfnewid y Dystysgrif Her Sgiliau Uwch yn haf 2024 neu cyn hynny. Gall ymgeiswyr ailsefyll cydrannau a chyfnewid y Dystysgrif Her Sgiliau Uwch eto. I gyfnewid am y Dystysgrif Her Sgiliau mae angen cyfnewid hefyd am y cymwysterau Bagloriaeth Cymru. Fodd bynnag, os yw ymgeisydd wedi cyflawni'r Dystysgrif Her Sgiliau yn flaenorol ac yn disgwyl canlyniadau cymwysterau ategol er mwyn cyflawni'r Cymhwyster Bagloriaeth Cymru, gellir cyfnewid am y Cymhwyster ar ei ben ei hun.
Mae'r fanyleb hon yn rhoi cyfle i ddysgwyr gyflawni dau gymhwyster: Bagloriaeth Cymru Uwch a Thystysgrif Her Sgiliau Uwch
Bagloriaeth Cymru Uwch
 |
Bagloriaeth Cymru Uwch I ennill y cymhwyster Bagloriaeth Cymru Uwch, mae'n rhaid i ddysgwr gwblhau pob elfen ar yr olwyn. Dyfernir y cymhwyster fel gradd Llwyddo pan fydd dysgwr wedi llwyddo yn y Dystysgrif Her Sgiliau a'r holl Gymwysterau Ategol. Mae'n dangos, yn yr un lle, gallu academaidd a chymhwysedd sgiliau y mae cyflogwyr yn eu gwerthfawrogi. |
Tystysgrif Her Sgiliau Uwch
Cynlluniwyd y Dystysgrif Her Sgiliau Uwch i alluogi dysgwyr i ennill a chymhwyso amrywiaeth o sgiliau Hanfodol a Chyflogadwyedd mewn lleoliadau a chyd-destunau gwahanol sy'n rhoi addysg ehangach i ddysgwyr. Bydd yn cynnig profiadau i gefnogi pynciau eraill a fydd yn golygu bod dysgwyr yn fwy parod i symud ymlaen yn y dyfodol – i'r brifysgol, hyfforddiant pellach neu i gyflogaeth.
Mae 4 cydran i'r Dystysgrif Her Sgiliau Uwch:
- Project Unigol (50%)
- Her Menter a Chyflogadwyedd (20%)
- Her Dinasyddiaeth Fyd-eang (15%)
- Her y Gymuned (15%)
I ennill y cymhwyster, mae'n rhaid i ddysgwyr lwyddo yn yr holl gydrannau. Caiff y marciau eu hadio at ei gilydd i roi gradd A* – E, sy'n gyfwerth â graddau Safon Uwch. Y radd hon neu'r pwyntiau tariff UCAS cyfatebol fydd yn cael eu cynnwys mewn cynigion gan brifysgolion.
Mae'r 7 sgìl yn ymwneud â chymhlethdod; maent yn amlweddog, gan gynnwys llawer o rannau gwahanol ond cysylltiedig.
|
Llythrennedd |
Y gallu i fynegi syniadau cymhleth yn ysgrifenedig ac ar lafar, gan addasu iaith a therminoleg mewn ffordd sy'n briodol i'r gynulleidfa |
|
Rhifedd |
Y gallu i goladu, dadansoddi a chyflwyno data/gwybodaeth rhifiadol cymhleth o amrywiol ffynonellau, gan ddethol ystyr priodol |
|
Llythrennedd Digidol |
Y gallu i ddeall a defnyddio technoleg ddigidol at ddibenion cymhleth, mewn ffordd sy'n briodol i'r gynulleidfa |
|
Cynllunio a Threfnu |
Y gallu i reoli eich hun a/neu bobl eraill, adnoddau ac amgylchiadau i gyrraedd nod penodol sy'n gymhleth |
|
Meddwl yn feirniadol a datrys problemau |
Y gallu i gasglu gwybodaeth berthnasol, nodi materion allweddol, cysylltu gwybodaeth a'i chymharu, a dod i gasgliadau er mwyn datrys problemau cymhleth |
|
Creadigrwydd ac Arloesi |
Y gallu i gynhyrchu syniadau cymhleth gwreiddiol a thrawsnewid syniadau mewn ffordd ymarferol i ddatblygu cynnyrch, gwasanaeth, proses, system neu ryngweithio cymdeithasol newydd neu well |
|
Effeithiolrwydd Personol |
Y gallu i addasu eich sgiliau a'ch priodoleddau i sicrhau canlyniadau o safon uchel. Addasu eich ymddygiad ar gyfer tasgau, sefyllfaoedd ac unigolion. |
Mae'r cymhwyster Tystysgrif Her Sgiliau a Bagloriaeth Cymru Uwch yn uchel eu parch gan Brifysgolion. Nid yn unig y mae'r Dystysgrif Her Sgiliau wedi'i chynnwys mewn llawer o gynigion ond mae'r sgiliau a ddatblygir yn cefnogi dysgwyr yn llawn i addasu i astudiaeth Addysg Uwch.
Mae'r adnoddau rhad ac am ddim yma yn cefnogi addysgu a dysgu'r pynciau hynny a gynigir gan CBAC. Bydd angen i athrawon bennu sut i ddefnyddio'r adnoddau yn yr ystafell ddosbarth er mwyn cael y gorau ohonynt.
