TGAU Dawns - Dysgu o 2026

Bydd y cymhwyster TGAU Dawns yn cefnogi'r Cwricwlwm i Gymru drwy wneud y canlynol:

• Cefnogi'r datganiadau o'r hyn sy'n bwysig, gan roi cyfle i'r dysgwyr:
  • archwilio eu gwaith creadigol eu hunain a gwaith eraill, mynd i’r afael â genres, technegau, offer, deunyddiau ac arferion a'u galluogi i ddod yn unigolion chwilfrydig a chreadigol
  • archwilio eu hetifeddiaeth ddiwylliannol eu hunain yn ogystal â rhai pobl, llefydd a chyfnodau eraill. Trwy hyn gallan nhw ddarganfod sut y gellir defnyddio’r celfyddydau mynegiannol i ffurfio a mynegi hunaniaeth bersonol, gymdeithasol a diwylliannol
  • dysgu sut y gall sgiliau dadansoddi pwysig o fireinio a dadansoddi gyfrannu at eu datblygiad creadigol. 
• Cefnogi'r egwyddorion cynnydd drwy annog dysgwyr i:
  • archwilio, profi, dehongli, creu ac ymateb drwy ddawns mewn amgylchedd diogel
  • gwerthuso eu gwaith eu hunain a gwaith eraill
  • dysgu a mireinio gwahanol fathau o wybodaeth a sgiliau, gan gynnwys y technegau, y prosesau a'r sgiliau sydd eu hangen i greu a dehongli
  • dysgu a mireinio gwahanol fathau o wybodaeth a sgiliau, gan gynnwys y technegau, y prosesau a'r sgiliau sydd eu hangen i greu a dehongli
  • dangos defnydd mwy soffistigedig o sgiliau perthnasol a'r gallu i drosglwyddo sgiliau a gwybodaeth bresennol i gyd-destunau newydd. 
• Cefnogi'r ystyriaethau pwnc-benodol ar gyfer y maes hwn drwy roi cyfle i ddysgwyr wneud y canlynol:
  • archwilio, ymateb i ysgogiadau a chreu ac adfyfyrio ar eu gwaith eu hunain. Ar yr un pryd, byddant hefyd yn ymwneud â phrofiadau sy'n gyfoethog ac yn ddilys
  • meithrin dealltwriaeth o berfformio, coreograffi a gwerthfawrogiad ar draws ystod o arddulliau.