TGAU Almaeneg - Dysgu o 2025

Bydd y cymhwyster TGAU Almaeneg yn cefnogi'r Cwricwlwm i Gymru fel a ganlyn:

• Cefnogi'r datganiadau o'r hyn sy'n bwysig, gan roi cyfle i'r dysgwyr:
  • sicrhau bod gwybodaeth a sgiliau mewn un iaith yn cael eu trosglwyddo a'u meithrin mewn ieithoedd eraill
  • datblygu eu dealltwriaeth, eu hempathi a'u gallu i ymateb a chyfryngu'n effeithiol
  • defnyddio ieithoedd er mwyn bod yn effeithiol wrth ryngweithio, archwilio syniadau, mynegi safbwyntiau, gwybodaeth a dealltwriaeth
  • cynnig profiadau llenyddol, sy'n gallu ennyn eu diddordeb fel gwrandawyr, gwylwyr, darllenwyr, storïwyr a llenorion.

• Cefnogi egwyddorion cynnydd drwy roi cyfle i ddysgwyr:
  • adeiladu ar eu sgiliau ieithyddol
  • tyfu mewn ffordd gyfannol o ran sut maen nhw'n deall ac yn gallu gwneud defnydd pwrpasol o ieithoedd, llythrennedd a chyfathrebu
  • datblygu eu repertoire ieithyddol drwy ddod i ddeall sut mae eu hieithoedd eu hunain yn gweithio
  • addasu a thrin iaith er mwyn cyfathrebu'n effeithiol ag amrywiaeth o gynulleidfaoedd gwahanol
  • meithrin sgiliau iaith derbyn, dehongli a mynegi
  • trosglwyddo'r wybodaeth a'r sgiliau sydd ganddyn nhw'n barod i gyd-destunau newydd gan gynnwys yr agweddau cymdeithasol a diwylliannol ar iaith.

• Cefnogi'r Ystyriaethau Allweddol ar gyfer Datblygu Ieithoedd drwy roi cyfle i ddysgwyr:

• • ddatblygu ymwybyddiaeth ffonolegol ac ymwybyddiaeth ffonemig
  • parhau i wneud cynnydd ym mhob un o'u hieithoedd o'u mannau cychwyn gwahanol.

Bydd y cymhwyster TGAU Almaeneg hefyd yn seiliedig ar y canlynol:

• deall ac ymateb i iaith lafar ac ysgrifenedig
• nodi negeseuon a dod i gasgliadau
• defnyddio gwybodaeth am ramadeg
• cyfieithu o iaith yr astudiaeth ac yn ôl iddi
• cyfathrebu'n glir ac yn effeithiol wrth siarad ac yn ysgrifenedig
• rhestr eirfa graidd sy'n seiliedig ar eirfa sy'n cael ei defnyddio'n aml ac iaith bob dydd
• defnyddio ynganiad a goslef cywir
• defnyddio gwybodaeth am adnabyddiaeth ddiwylliannol a rhanbarthol.

Bydd Unedau 1, 3 a 4 yn seiliedig ar y themâu eang canlynol (mae is-themâu’n cael eu rhoi mewn cromfachau fel enghreifftiau o’r hyn y gallai pob thema eang ei gynnwys):

• iaith ar gyfer hamdden a llesiant, er enghraifft: corff iach, meddwl iach, eich hun a pherthnasoedd, defnyddio technoleg a'r cyfryngau
• iaith ar gyfer teithio, er enghraifft: teithio o gwmpas y byd, diwylliant y wlad lle mae'r iaith yn cael ei siarad, cynaliadwyedd
• iaith ar gyfer astudio a gweithio, er enghraifft: cyfleoedd i astudio a gweithio, gweithio gydag ieithoedd gartref a thramor.