Lefel 3 Bagloriaeth Sgiliau Cymru Uwch
Dysgu: Medi 2023
Codau Cyfeirio
Beth yw Bagloriaeth Sgiliau Cymru Uwch?
Rydym yn falch o gyhoeddi bod ein cymhwyster Lefel 3 Bagloriaeth Sgiliau Cymru Uwch newydd wedi'i gymeradwyo gan Cymwysterau Cymru i'w addysgu am y tro cyntaf o fis Medi 2023. Bydd y cymhwyster hwn yn cael ei ddyfarnu am y tro cyntaf yn haf 2025, gan ddisodli'r Dystysgrif Her Sgiliau Uwch bresennol.
Bydd y cymhwyster Lefel 3 cyffrous, newydd hwn yn helpu dysgwyr i ddod yn ddinasyddion effeithiol, cyfrifol a gweithgar sy'n barod i gymryd eu lle mewn cymdeithas fyd-eang gynaliadwy ac yn y gweithle.
Drwy gwblhau cymhwyster Bagloriaeth Sgiliau Uwch Cymru, bydd y dysgwyr yn:
- datblygu, yn defnyddio ac yn cael eu hasesu ar eu sgiliau Cynllunio a Threfnu; Meddwl yn Feirniadol a Datrys Problemau; Creadigrwydd ac Arloesi; ac Effeithiolrwydd Personol (y Sgiliau 'Cyfannol')
- cael cyfleoedd i ddatblygu ymhellach eu sgiliau Llythrennedd, Rhifedd a Chymhwysedd Digidol (y Sgiliau 'Mewnblanedig')
- dod i werthfawrogi pwysigrwydd y broses o feithrin sgiliau fel agwedd allweddol ar ddysgu gydol oes
- cymryd rhan mewn cyfleoedd gweithredol, creadigol, ac wedi'u harwain gan y dysgwr
- ymholi a meddwl drostynt hwy eu hunain, cynllunio, gwneud dewisiadau a phenderfyniadau, datrys problemau a myfyrio arnynt a'u gwerthuso
- datblygu blaengaredd, annibyniaeth a gwydnwch
- gweithio'n annibynnol, ymgymryd â chyfrifoldebau a gweithio'n effeithiol gydag eraill.
Oes gennych chi gwestiwn?
Rheolwr Cymwysterau Sgiliau a Pharthau (BSC Uwch a SHC)
Mae ein tîm pwnc yn hapus i'ch helpu gyda'ch holl ymholiadau sy'n ymwneud ag addysgu a dysgu ein manylebau. Mae ein Swyddogion Pwnc yn athrawon profiadol ac maen nhw yma i'ch cefnogi chi i gyflawni ein cymwysterau. Cysylltwch â ni trwy e-bost neu ffôn.
Tîm Cefnogaeth Rhanbarthol
Sicrhewch y gefnogaeth sydd ei hangen arnoch gan dîm y gallwch ddibynnu arno!
