CBAC Technoleg Ddigidol - Dysgu o 2026

Bydd y cymhwyster TGAU Technoleg Ddigidol yn cefnogi'r Cwricwlwm i Gymru drwy wneud y canlynol:

• Cefnogi'r datganiadau o'r hyn sy'n bwysig, gan roi cyfle i'r dysgwyr: 
  
  • ddatblygu chwilfrydedd am dechnoleg 
  • prosesu data er mwyn datrys amrywiaeth eang o broblemau bywyd go iawn 
  • deall y ffordd y mae prosesau cyfrifiadurol wedi newid y ffordd rydym yn byw, gweithio, astudio a rhyngweithio â’n gilydd 
  • bod yn sylfaen i bob system caledwedd a meddalwedd 
  • creu a defnyddio technolegau digidol i’w llawn botensial 
  • deall sut mae technolegau digidol yn gweithio 
  • deall bod canlyniadau eang, yn gyfreithiol, cymdeithasol a moesol, i’r defnydd o dechnoleg 
  • gwneud penderfyniadau gwybodus am ddatblygiad a’r defnydd o dechnoleg yn y dyfodol. 
• Cefnogi'r egwyddorion cynnydd drwy annog dysgwyr i: 
  
  • gymhwyso dull iterus i ddylunio prosesau drwy gynnig a gwella 
  • ymchwilio, archwilio, dadansoddi, datrys problemau a dylunio atebion creadigol 
  • ystyried dilemâu moesegol a moesol sy'n gysylltiedig â'r defnydd o dechnoleg.
• Cefnogi'r ystyriaethau pwnc-benodol ar gyfer TGAU Technoleg Ddigidol drwy roi cyfle i ddysgwyr wneud y canlynol: 
  
  • archwilio prosesau dylunio, datblygu a chymhwyso technoleg, meddalwedd a systemau 
  • datblygu sgiliau digidol gan ddefnyddio ystod o dechnoleg a meddalwedd.